رعد ومطر ...والصدر ع الصدر اختمر
مل وضجر . . والفكر عم يرسم صور
بلحظة سعادة متل خيط العنكبوت
والغيم من وسط السما عم ينفجر
والشمس
والشمس لوّنا اتسبسلت بالدمع مش رح تنكسر
والعين ماعندا حكي والقلب عم يحصر حصر
بركان ماعندو صبر
خايف لو انو يندوي مثل البرق أو ينشطر
نصين اﻷول ينجبر والباقي يموت وينطمر
وعالشاهدة نكتب عنوان
هالقلب نصو انجبر
والباقي هيهات انطمر
ﻻتسألوه عن الميﻻد وﻻ عن تاريخ البتر
نصين بكرا تفرقوا
ومبارح بس تعانقوا
يومين مروا بهالدهر .. قد الدهر
قدش الدهر يومين مروا بهالدهر
مارر على خيالي و أسرع من البصر
ع قمة كل جبل عالي فوق الصخر
تحت الصخر
بين الصخر
دمعة بغصّة من عيونو عم تهرّ
تحفر حفر جوّا الصخر
من نارا ما عم تنكوي
وياريت هيدي المشكلة
ويريت هاذا هو الأمر
بس عم تتبخر من القهر
وبترجع لحدود الدني
رعد ومطر
ملّ وضجر
بركان ماعندو صبر
عاد بلا طعمة هالعمر
سكين عم تبتر بتر
يوميــــــــــــــن
يومين بس من الدهر
ماعاش
بالقبر أنطمر
"""""""""""""
بقلمي .. عماد صابوني
عين الباشق سابقا
تعليقات
إرسال تعليق